ნაბიჯი 2:ადამიანის უფლებები და თავისუფლებები
წარმოიდგინეთ, რომ არსებობს ადამიანის მხოლოდ 10 უფლება, რომლებიც მხოლოდ „უფლებათა ბაზარში იყიდება“. ადამიანმა, რომელსაც სურს, რომ ჰქონდეს უფლებები, მათ შესაძენად გარკვეული რაოდენობის თანხა უნდა გადაიხადოს, წინააღმდეგ შემთხვევაში, ის უუფლებო მდგომარეობაში იქნება. წარმოიდგინეთ, რომ „უფლებათა ბაზარში“ გასაყიდი 10 უფლებიდან მხოლოდ 5 უფლების ყიდვისათვის გყოფნით თანხა. რომელ უფლებებსაც ამოარჩევთ, მხოლოდ ის უფლებები გექნებათ. ყურადღებით გააანალიზეთ თითოეული უფლება, მისი საჭიროება/აუცილებლობა და მხოლოდ ამის შემდეგ მიიღეთ გადაწყვეტილება. დავალება შეგიძლიათ შეასრულოთ როგორც ინდივიდუალურად, ისე წყვილებსა და ჯგუფებში.
